Tal e como amosan os datos do Índice Inmobiliario de Fotocasa, no mes de xaneiro o prezo da vivenda de alugueiro en Galicia aumentou un 6,6% con respecto ao mesmo mes do ano anterior, alcanzando os 8,61€/m2, a pesar de que a variación con respecto ao mes anterior foi negativa, do -0,2%. Segundo o comunicado de Fotocasa, o prezo do arrendamento continua ó alza en tódalas comunidades autónomas e alcanza de novo prezos máximos neste xaneiro, dando como causa principal a esta situación o desequilibrio entre a oferta e a demanda no mercado. 

En canto ás provincias galegas, Pontevedra foi na que máis creceron os prezos de alugueiro, un 7,5%, seguida por Ourense (5,7 %) e A Coruña (5,4 %), mentras que en Lugo baixa un -0,3%. Pontevedra sitúase como a provincia máis cara, con 9,79€/m2, seguida por A Coruña, con 8,45€/m2, Lugo con 6,66€/m2 e Ourense con 6,64€/m2. 

Nos municipios, dos 9 que analízanse no índice, Lugo foi a cidade na que máis aumentaron os prezos, concretamente un 11,1%, seguida por Ourense cun 10,5 %, Narón cun 8,6 %, Santiago cun 8,4 %, A Coruña cun 6,5 %, Vigo cun 5,3 %, Pontevedra cun 4,8 % e Ferrol cun 3 %. Por último, Sanxenxo é a cidade máis cara para alugar, cun prezo de 15,88 € o metro cadrado ao mes, seguido da Coruña (10,21 €/m2), Vigo (9,94 €/m2), Santiago (9,42 €/m2), Pontevedra (8,23 €/m2), Lugo (7,08 €/m2), Ourense (7,04 €/m2), Ferrol (6,43 €/m2) e Narón (6,06 €/m2).  

Fonte.- El Ideal Gallego