Segundo os datos dun dos grandes portais de alugueiro e compra de España, Lugo é a cuarta provincia na que máis subiu o prezo do alugueiro no primeiro mes do ano. O aumento, dun 2,9 %, só está por detrás de Soria (4,2 %), Cuenca (3,6 %) e Guadalaxara (3,2 %), aínda que o crecemento a nivel anual é añinda máis pronunciado, xa que os alugueiros na provincia son un 7,8 % máis caros que no mes de xaneiro do ano 2020.

Así, na actualidade, o prezo medio do alugueiro en Lugo sitúase nos 5,9 euros por metro cadrado, converténdose no prezo máis alto desde que existen rexistros.  Agora mesmo, a zona máis cara do municipio é a parte sur do barrio histórico, onde os alugueiros superan os 550 euros con facilidade, sendo vivendas de menos de 80 metros cadrados, polo que o metro cadrado supera os 6 euros de valor.

Fonte | La Voz de Galicia