O mercado inmobiliario da cidade olívica, aínda cos prezos disparados, mantén os prezos do alugueiro ao mesmo nivel que o mes pasado, segundo os datos do portal inmobiliario Idealista. Pagouse 9,4 euros por metro cadrado, o mesmo que en xuño, pero un 5,9% máis respecto a xullo do ano pasado.

O que resulta rechamante da cidade de Vigo é a falta de oferta, que se atopa en mínimos históricos. No inverno rexistrábanse preto de 700 pisos e casas dispoñibles para o alugueiro, actualmente reduciuse a cifra ata os 476 pisos. O normal é que pasado o mes de outubro, as vivendas de alugueiro convencional que se pasaron ao turístico volvan ao alugueiro convencional.

Fonte.- Faro de Vigo