O prezo da vivenda aumenta un 0,8% en términos trimestrais e un 1,9% interanual, ata alcanzar os 1.998 €/m2, segundo a Estatística Rexistral Inmobiliaria publicada polo Colexio de Rexistradores da Propiedade. Este incremento débese sobre todo ao aumento do prezo da vivenda nova, un 3%, mentres que o da vivenda usada descende un 0,2%. Con este incremento, acumúlanse tres trimestres consecutivos de subidas nos prezos da vivenda. Os resultados anualizados, amosan un comportamento máis estrutural, cun incremento do 1,9% orixinado polo aumento da vivenda nova (4,1%), por un aumento máis moderado do 1,1% da vivenda usada. 

Por comunidades autónomas, os maiores prezos localizáronse en Madrid (3.344 euros por m2), seguido de Baleares (3.325 euros), o País Vasco (3.031 euros) e Cataluña (2.463 €/m2). Doutra banda, os prezos máis baixos rexistráronse en Estremadura (804 euros) e Castela-A Mancha (893 euros), únicas comunidades por debaixo dos 1.000 euros por m2. 

Segundo o informe, entre xaneiro e marzo de 2024 rexistráronse 151.467 compravendas de vivenda, o que supón un aumento do 16,6% con respecto ao trimestre anterior. En vivenda nova foron 31.226 as compravendas rexistradas, un incremento do 30,1% sobre o trimestre anterior, mentres que a vivenda usada rexistrou 120.250 operacións, cunha subida trimestral do 13,6%. En canto ao número de hipotecas sobre vivenda, a cifra aumentou un 21,1% respecto ao trimestre anterior, alcanzando as 108.910, aumentando por primeira vez despois de seis trimestres consecutivos de descensos. 

Fonte.- Idealista