O prezo da vivenda usada á venda en Galicia, segundo os datos que dispón o índice de prezos do portal Idealista, marcou en xuño 1.359 €/m2 o que supón un 2,9% máis que no mesmo mes de 2022 aínda que cae fronte a maio de 2023 nun 0,4%.

O valor medio aumentou interanualmente en tres das catro provincias galegas destacando A Coruña co 4,3% seguida por Lugo e Pontevedra cun 2,7% e un 2,1% respectivamente, mentres que en Ourense descendeu mínimamente nun 0,1%. En canto as variacións mensuais, ao contrario que as comparacións con xuño de 2022, foron descendentes en todas as provincias, salvo en Lugo onde aumentou un 0,8% respecto a maio, destacando a baixada de Ourense, un 1,3% mentres que en Pontevedra e A Coruña a caída foi do 0,4% e 0,1% respectivamente.

En canto custo medio por metro cadrado, Pontevedra marcou o máis alto con 1.599 €/m2 seguida por A Coruña con 1319 €/m2, Ourense e Lugo, 1.148 €/m2 no caso da primeira e 1.009 €/m2 da segunda.

Fonte.- Idealista