O número de lanzamentos sobre inmobles no ano 2023 foi de 26.659, o que supón un descenso do 30,3% con respecto ao ano anterior, segundo os datos difundidos polo Consello Xeral do Poder Xudicial. A serie histórica arrancou en 2013, e indica neste 2023 o mínimo histórico, situándose a suma dos procedementos derivados pola Lei de Arrendamentos Urbanos e as execucións hipotecarias por debaixo das 25.000 unidades por primeira vez. 

Segundo o informe publicado, un 74,1% dos lanzamentos, un total de 19.676, foron consecuencia de procedementos derivados pola Lei de Arrendamentos Urbanos, mentres que o 19,7%, uns 5.260, foron derivados de execucións hipotecarias. O resto, 1.723, debéronse a outras causas. Os desafiuzamentos por impago do alugueiro experimentaron un descenso interanual do 28,5% respecto a 2022, e os derivados de execucións hipotecarias baixaron tamén un 38,2%. 

Por comunidades, Cataluña lidera con 7.148 lanzamentos en 2023, seguida por Andalucía (4.449); la Comunidad Valenciana (3.869) e Madrid (2.367). Atendendo tan só aos lanzamentos consecuencia de procedementos derivados da Lei de Arrendamentos Urbanos, a clasificación encabézaa tamén Cataluña, con 5.158. Séguenlle Andalucía, con 2.961; a Comunidade Valenciana, con 2.673; e a Comunidade de Madrid, con 2.029. Os primeiros postos en canto aos lanzamentos consecuencia de execucións hipotecarias ocúpanos Cataluña (1.264); Andalucía (1.135); Comunidade Valenciana (1.049) e Murcia (315). 

Fonte.- Idealista