O español medio ten que dedicar integramente o soldo bruto de 6 anos a pagar a hipoteca  da súa vivenda comprada en 2020, é dicir, 0,2 anos menos que no ano 2019 (6,2 anos), segundo o estudo "Relación de salarios e a compra de vivenda en 2020" baseado nos prezos medios da vivenda de segunda man en venda do Índice Inmobiliario Fotocasa  e os datos dos soldos medios das ofertas de emprego da plataforma Infojobs.

En 2020 o prezo da vivenda en venda en España pechou cun incremento anual do 1,6% e situou o prezo en decembro en 1.876 euros/m2. Isto supón que, tendo en conta o salario bruto medio de España rexistrado por InfoJobs, que en 2020 era de 25.173 euros (2.098 euros brutos mensuais se o dividimos en 12 pagas); os españois terían que dedicar 6 anos do seu salario (72 meses) ao pago da hipoteca dunha vivenda de 80 metros cadrados.

No ano da pandemia 13 das 17 comunidades autónomas reduciron o tempo no pago dunha hipoteca por unha vivenda de segunda man. En 8 das 13 comunidades o soldo incrementouse en máis dun 5% respecto ao ano anterior (2019) e en 5 destas o prezo anual da vivenda descendeu.

Fonte | Fotocasa