Segundo o último informe elaborado por Idealista, os prezos do alugueiro na cidade herculina son un 6,5 % maiores que en decembro de 2022, e un 56,6% superiores ao dato de decembro de 2015, fai oito anos, rexistrándose en decembro de 2023 o máximo histórico. Fai 8 anos, o prezo do metro cadrado era de 6 €/m2, mentres que na actualidade é de 9,4 €/m2. 

Catro barrios superan o prezo medio da cidade, e son: Cidade Vella, co metro cuadrado a 10,8 euros; Ensanche-Juan Flórez, a 10,4; Monte Alto-Zalaeta, a 10,3; e Catro Caminos, co metro cuadrado a 9,5 euros. Destes catro barrios, Catro Caminos e Ensanche-Juan Flórez foron nos barrios nos que aumentaron os prezos en decembro e alcanzaron desta forma o seu máximo histórico, xunto a Os Castros-O Castrillón-Eirís, onde os prezos creceron ata os 8,7 €/m2, e Riazor-Los Rosales, onde chegou ata os 9,1 €/m2.

O distrito máis barato para arrendar unha vivenda é Agra do Orzán, co metro cadrado a 7,8 euros de media. Séguenlle Os Mallos, a 8,5 euros; e Someso e Os Castros, a 8,7 euros ambos. O máis caro, a Cidade Vella, rexistrou un descenso no prezo con respecto a novembro, cando alcanzara o seu máximo histórico, a 11,4 euros o metro cadrado de media, situándose en decembro en 10,8 €/m2.

Fonte.- El Ideal Gallego