O crecemento continuo do prezo nos alugueiros das vivendas en Santiago freouse xa que desde o confinamento os prezos deixaron de aumentar.

O portal inmobiliario Fotocasa difundía onte que o prezo medio do metro cadrado en xullo na cidade fora de 7,08 euros por metro cadrado, 0,21 euros menos que en xuño, o que supuña un descenso do -2,9 %. Desde o colectivo de inmobiliarias consideran que o que aprecian é unha estabilización dos prezos. Ademais, estima que non se van producir descensos durante os próximos meses porque non hai ofert para abastecer o mercado de alugueiro.

En canto á demanda durante a tempada estival, manténse respecto dos exercicios anteriores. A única diferenza atópase entre a demanda dos universitarios, que se están demorando máis que outros anos en pechar os acordos pola incerteza do tipo de curso que van ter.

 

Fonte | La Voz de Galicia