España conta cun parque dunhas 290.000 vivendas públicas destinadas ao alugueiro, que dan cobertura ao 1,6 % dos fogares, fronte ao 9,3 % de media na Unión Europea. Delas, 180.000 son propiedade das comunidades autónomas e entidades dependentes, e 110.000, dos concellos e os seus entes.

É a radiografía coa que traballa o Ministerio de Transportes, Movilidad y Agenda Urbana (Mitma) e que evidencia a necesidade de incrementar dito parque, xa que segundo os últimos datos publicados no Boletín Especial de Vivenda Social de setembro de 2020, España necesitaría incrementar o seu parque de vivenda social en case un 8 % para aproximarse á media dos países europeos.

O déficit é moito maior se se compara co 30 % de Holanda; o 24 % de Austria; o 20,9 % de Dinamarca; o 19 % de Suecia; o 17,6 % de Reino Unido; o 16,8 % de Francia, e o 13 % de Finlandia.

Isto é debido principalmente a que a promoción de vivenda social destinada ao alugueiro foi moi limitada en España nas últimas catro décadas.

Fonte | La Vanguardia