Dúas cidades portuguesas aparecen na clasificación da revista fDi Intelligence, "Cidades e rexións europeas do futuro 2022/23: o mellor e máis brillante destino de investimentos de Europa", publicado polo xornal británico Financial Times. Trátase de Porto e Braga, ámbalas dúas aparecen no top 10 en distintas categorías.

Segundo a autoridade local, para elaborar esta clasificación, o xurado convidado por fDi Magazine avaliou as estratexias de promoción de investimentos de 75 cidades e rexións europeas, agrupadas segundo a súa poboación. Entre os diversos indicadores considerados estiveron o tipo de investimentos atraídos nos últimos 18 meses, os sectores de maior crecemento e as iniciativas tomadas para impulsar a recuperación económica pospandemia.

Porto acada a terceira posición na clasificación de cidades europeas de tamaño medio, na categoría de mellor estratexia para atraer investimento estranxeiro directo, subindo dous postos con respecto á edición anterior do estudo (2020/21). Vilnius (Lituania) e Belfast (Reino Unido) ocupan, por esta orde, as dúas primeiras prazas do podio.

Asímesmo, Braga é considerada a quinta cidade do futuro na categoría dedicada á estratexia de atracción de investimentos estranxeiros, con respecto ás cidades cunha poboación de ata 200 mil habitantes, subindo tamén dous lugares na xerarquía con relación ao estudo anterior. (2020/2021). Doncaster (Reino Unido) lidera esta clasificación, por diante de Londonderry (Reino Unido), Plovdiv (Bulgaria) e Middlesbrough (Reino Unido).

 Fonte | Idealista