A partir de hoxe, 21 de maio de 2020, reiniciase o prazo para a presentación de solicitudes de axudas destinadas a actuacións de rehabilitación e ao fomento da vivenda en alugueiro, tal como establece a Resolución publicada no Diario Oficial de Galicia do 20 de maio de 2020. 

Os prazos de todas as axudas que estaban convocadas foron suspendidos o pasado mes de marzo como consecuencia do Estado de alarma e agora reinícianse para aquelas que contribúen á reactivación progresiva da actividade económica e son indispensables para a protección do interese xeral.

As liñas de axudas afectadas son as que xa estaban convocadas e cuxo prazo inicial de presentación de solicitudes rematou durante o Estado de alarma. Non obstante, as restantes liñas de axudas convocadas polo IGVS, cuxos prazos de presentación de solicitudes rematan a partir do mes de setembro, non se viron afectadas pola suspensión dos prazos, polo que se poden solicitar ata a data prevista na convocatoria. 

Fonte | IGVS