Trátase de antigas vivendas dos mestres que foron rehabilitadas para destinalas ao alugueiro social para familias con escasos recursos económicos e que se converteron en oito pisos que ahora o Concello poderá adxudicar entre os veciños inscritos no rexistro único de demandantes de vivenda.

Con esta actuación, executada en dúas fases, concluiu o proxecto municipal, que contou cun investimento de 357.000 euros, dos que a Xunta aportou o 75 % (uns 267.000 euros) e o Concello o 25 % restante (uns 90.000), ao abeiro do Programa de Rehabilitación de Antigas Vivendas de Mestres, posto en marcha pola Xunta en 2017.

A restauración fíxose con materiais resistentes, con todos os servizos e cun enfoque claro á sustentabilidade e á accesibilidade, introducindo enerxías renovables e un ascensor panorámico. Isto permitirá que o prezo do alugueiro destas vivendas oscile entre os 200 e os 250 euros.

Fonte | O Correo do Barbanza