O Concello de Ribadavia deberá establecer, no marco do futuro Plan de dinamización da Área Rexurbe declarada o ano pasado nesta localidade, o destino dos inmobles de titularidade municipal que pretendía ceder á Xunta de Galicia ou ben vender a terceiros.

A Área Rexurbe, declarada pola Xunta o 2 de xuño de 2020, supón a intervención conxunta das administracións local e autonómica para acadar a rehabilitación e renovación do ámbito incluído na mesma a través de actuacións destinadas a reactivar o centro histórico da vila.

Desta maneira, non se trata só de actuar sobre inmobles de titularidade municipal, xa que a Xunta está adquirindo edificios para rehabilitar no conxunto histórico de Ribadavia. 

Fonte | IGVS