Atendendo aos datos publicados polo Ministerio de Transportes, Movilidad e Agenda Urbana, Ribeira atópase nun período de aumento do valor das vivendas, chegando a un ascenso do 9,14% no valor taxado dos inmobles respecto do 2020. Este considérase un dos maiores incrementos rexistrados nas cidades de máis de 25.000 habitantes de Galicia.

O aumento máis cuantioso prodúcese en A Coruña, onde se rexistra un encarecemento de 133 euros, pero proporcionalmente é maior o incremento en Ribeira con ese 9,14 %, fronte ao 7,94 % da cidade herculina. O terceiro posto ocupao a capital lucense, onde o valor medio se disparou un 8,88 % durante o último ano.

O aumento da contía taxada da vivenda libre en Ribeira levou ao municipio a escalar varios postos no ránking autonómico, pasando a estar entre as 12 cidades galegas coa valoración máis alta, situándose por diante de poboacións como Ferrol ou Vilagarcía. A Coruña continúa na cabeza cunha importante diferencia con respecto a Santiago, que é a segunda co importe máis alto, 1.688 euros por metro cadrado, por diante de Vigo (1.556) e Oleiros (1.405).

Expertos do sector inmobiliario indican que os prezos de venda se manteñen con poucas variacións na Ribeira, situándose os prezos máximos en 100.000 e 150.000 euros que se pagan por un domicilio con tres dormitorios no centro de Santa Uxía, aínda que resaltan que a estabilidade dos prezos pode cambiar.

 

Fonte | La Voz de Galicia