O concello de Santiago de Compostela espera abordar con prontitude, e coa colaboración da Xunta de Galicia, a promoción de vivenda protexida na cidade. A escasa oferta de vivenda xunto co conflito polos pisos turísticos fan que as medidas se consideren como urxentes. No curto prazo, a entidade local espera avanzar na construción de vivendas públicas na parcela de Xoan XXIII, reservada anos atrás para esta finalidade pero co proxecto paralizado dende a crise.

Fonte.- La Voz de Galicia