En Galicia o prezo da vivenda en aluguer subiu un 1,4% na súa variación mensual e un 3,5 % en termos interanuais, situándose en 7,18 euros/m2 ao mes en febreiro, segundo os datos do Índice Inmobiliario Fotocasa.

Este último valor (3,5 %) constitúe o incremento número 44 en cadea rexistrado desde xullo de 2017 (0,2 %). Con todo, na media española rexistrouse unha caída do 1,7 % en comparación co mesmo mes do ano anterior até os 10,48 euros por metro cadrado e do 0,9% respecto de xaneiro.

Na análise do catro provincias galegas o repunte dáse en todas. O incremento mensual máis acusado rexístrao Lugo (2,9 %), seguida de Ourense (2,6 %), Pontevedra (2,3 %) e por último A Coruña (1,3 %). A provincia máis cara é Pontevedra con 8,14 €/m2 ao mes, seguida da Coruña (7,29), Ourense (5,84 euros por metro e mensualidade) e Lugo (5,59 €/m2).

Fonte | El Correo Gallego