Segundo as últimas estimacións realizadas pola Asociación Galega de Inmobiliarias (Agalin), prevese pechar o actual exercicio 2021 con máis de 20.000 vendas de vivendas de segunda man por primeira vez na comunidade, o cal supón bater os rexistros históricos destas transaccións en Galicia desde 2004.

Estas cifras supoñen un aumento respecto ao ano 2019, cando se rexistraron 17.591 vendas. Así, a previsión é que a de Lugo sexa a provincia que incremente máis estas transaccións, un 24,7 %, ata as 3.000, mentres a cidade con maior alza porcentual de vendas de ocasión será Ferrol, cun 39,3 % máis (800 en total). En termos absolutos, a que rexistra o maior número de transaccións é Vigo, con 2.500 operacións (un 35 % superior), seguida de preto pola Coruña (2.300).

Ademais, a Asociación prevé que no 2022 se produza unha expansión do mercado, con prezos que tenderán a subir acompañados dun constante crecemento de vendas. 

Fonte | La Voz de Galicia