Na actualidade hai 182 habitacións en alugueiro en Vigo, segundo Idealista, o portal web con máis ofertas inmobiliarias na cidade, das cales máis do 70% teñen un prezo maior aos 300€ ao mes. Esta cantidade é o que costaba fai 8 anos, en febreiro de 2016, un piso de 45 m2 en arrendamento. Neste ano 2016, o prezo medio do alugueiro ascendía a 6,7 euros por metro cadrado, mentres que Vigo pechou 2023 cun prezo medio de 9,4 €/m2 en decembro. 

Este semestre prevese a aprobación no novo Plan Xeral de Ordenación Municipal (PXOM), que traería a aprobación da disposición de solo para a construción de máis de 50.000 vivendas, das cales preto de 14.000 estarían sometidas a algún tipo de protección. Segundo o Rexistro Único de Demandantes de Galicia, son máis de 7.000 os demandantes de vivenda na cidade, aumentando en 70 persoas nos últimos 20 días. 

En comparación coas outras grandes cidades de Galicia, en Pontevedra o número de habitacións en alugueiro cun prezo superior aos 300€ é do 54% do total (59 habitacións), mentres que en A Coruña é do 52% (sobre 136 habitacións en total), en Santiago o 49% (111 habitacións), en Ourense o 32% (31 habitacións), en Lugo o 18% (28 habitacións), e por último en Ferrol, do total de 21 habitacións en alugueiro, o 14% teñen un prezo maior de 300€.

Fonte.- Faro de Vigo