Segundo os datos de Idealista sobre a presión da demanda no mercado de alugueiro neste 2024, pouco máis da metade (53%) dos municipios con maior presión manteñen rendas medias totais por baixo dos 900 euros ao mes durante o primeiro trimestre, polo que case a metade, o 47%, superan os 900 euros medios de renda. 

Entre os municipios con maior presión da demanda durante este primeiro trimestre de 2024 atópanse principalmente as localidades da contorna das grandes cidades. Neste aspecto destacan Móstoles (939 €/mes), Xetafe (911 €/mes) e Alcalá de Henares (894 €/mes) en Madrid, Badalona (1.228 €/mes), Hospitalet de Llobregat (1.042 €/mes), Mataró (924 €/mes), Terrassa (850 €/mes) ou Manresa (696 €/mes)  de Barcelona. Vitoria, pola súa banda, que tamén se sitúa entre os municipios con maior demanda, suma 916 €/mes. 

Os municipios con maior demanda de alugueiro e os prezos máis alcanzables son Ciudad Real, con 513 euros/mes); Palencia, con 534 euros, e un empate entre Ourense e a localidade almeriense de Vera, con 592 euros. Outras 14 poboacións entre as máis demandadas aínda atopan prezos entre os 600 e os 700 euros de media de alugueiro mensual, como Manresa (696 euros) Castellón (686 euros), Burgos (650 euros) ou Alxeciras (602 euros).

Son as localidades netamente costeiras e con vivendas de alto ‘standing’ no mercado de alugueiro as que contan coas rendas máis altas. Destacan sobre todas elas Benahavís (3.442 euros/mes), por diante de Marbella (2.987 euros), Calvià (2.818 euros) ou Sotogrande (2.621 euros).

Fonte.- Idealista