O prezo da vivenda usada en España rexistrou este febreiro unha subida do 0,4%, chegando ata os 2.056€/m2, segundo o último índice de prezos inmobiliarios de Idealista. A media galega situase en torno aos 1.382€/m2. En Vigo, o incremento é máis lixeiro, do 0,3%, pero o prezo medio é superior, de 2.114 €/m2. O actual prezo en Vigo é un 1,7% superior ao mesmo mes do ano anterior, pero aínda non alcanza o prezo máximo fixado en 2010, que foi de 2.431 euros. Vigo situase actualmente como o segundo prezo máis alto de Galicia, por debaixo de A Coruña, que alcanza os 2.386 €/m2. Doutra banda, Ourense, en torno aos 1.247€ e Lugo, en torno aos 1.473€, están bastante por debaixo. 

En canto ao ámbito nacional, a última cifra é un 7,2% máis alto que en febreiro de 2023, situándose todavía un 2,8% por debaixo do prezo máximo histórico. Por capitais, a subida máis pronunciada viviuna Teruel, onde os prezos creceron un 2,4%, seguida por Tarragona (2,2%), Madrid (1,9%) e Murcia (1,9%). Cuenca (-2,3%) é a capital de provincia onde máis descendeu, seguida por Badaxoz (-1,3%) e Lugo. Nos grandes mercados inmobiliarios de España, os prezos creceron en Alicante, Barcelona e Málaga (en torno ao 1,2%), ademáis de Bilbao (0,4%) e Palma (0,2%). O prezo máis alto pertence a Barcelona, que se establece en 4.310 €/m2, seguida por Madrid, onde se establece en 4.268 €/m2.

Fonte.- Atlántico