O prezo do arrendamento en marzo alcanzou un novo récord histórico na cidade de A Coruña, ao situarse o metro cadrado en 9,6 €. Trátase dunha subida do 3,3% no primeiro trimestre do ano, ademáis dun aumento interanual do 8,2%, segundo o último informe elaborado pola plataforma inmobiliaria Idealista. Aínda así, A Coruña non é a cidade de Galicia con maior prezo, posto que Vigo sitúase en 9,8 €/m2. Ambas superan o prezo medio de Santiago (8,8 €/m2), Pontevedra (8,3 €/m2), Ourense e Lugo (ambas con 7 €/m2).

Son varios os distritos da cidade herculina que alcanzaron o seu prezo medio máximo de alugueiro en marzo. Concretamente, Agra do Orzán-O Ventorrillo (8 €/m2), Cuatro Caminos (9,6), Ensanche-Juan Flórez (10,6), Os Castros-O Castrillón-Eirís (9,5) e Riazor-Los Rosales (9,3) son as zonas que nunca alcanzaron un prezo tan alto. Os distritos nos que máis aumentou o prezo en comparación ao mesmo mes do exercicio anterior foron Os Castro (+19,3 %) e Cuatro Caminos (+10,6 %). 

A Cidade Vella, a pesar de ser o distrito máis caro (11 €/m2) e de rexistrar un aumento neste trimestre de 1,4 %, rexistrou o seu prezo máximo en novembro, ao igual que Os Mallos e Monte Alto. Doutra banda, os distritos de Someso e Matogrande tocaron teito en xaneiro deste ano 2024. 

Fonte.- El Ideal Gallego