Segundo os datos presentados polo informe mensual de Tinsa, o prezo da vivenda nova e usada incrementouse un 3,3% en xaneiro con respecto ao mesmo mes do ano 2023, o que supón a menor taxa de incremento anual dende setembro de 2021. Con todo, en comparación con decembro de 2023, o prezo descendeu un 0,1%. Segundo argumenta a tasadora, os prezos residenciais mantivéronse estables xunto á desaceleración das compravendas, como consecuencia do descenso nos créditos hipotecarios concedidos. 

Nas grandes cidades o prezo mantívose sen variación, mentres que nas áreas metropolitanas o descenso sería do 0,3%, e un aumento do 0,3% nas illas. En términos interanuais, tódolos grupos manteñen a desaceleración nos prezos como tendencia, a excepción das illas, onde os prezos manteñen a súa taxa de crecemento en niveis altos, en concreto, o aumento do prezo das Baleares e Canarias sería do 8,9% con respecto a xaneiro de 2023.

O informe de Tinsa remata apuntando que as compravendas de 2023 financiáronse na súa maioría por fondos propios, cun aumento das compravendas por parte de estranxeiros e unha constante na proporción de adquisicións por parte de entidades xurídicas.

Fonte.- EuropaPress