A finais do 2020 o 75,2% dos fogares españois vivían en réxime de propiedade segundo datos do INE, un dos valores máis baixos das estadísticas recompiladas. Estes valores poden deberse, entre outros motivos, á crecente mobilidade xeográfica, escenario que parece que continuará nos próximos anos, o que eleva a oferta de vivendas de alugueiro segundo JLL.

Dita consultora calcula que entre 2021 e 2024 chegarán ao mercado arredor de 15.000 inmobles de nova construción destinados ao alugueiro, o que sitúa ao modelo "build to rent" como protagonista.

Na actualidade o alugueiro en España sitúase en torno ao 24% do parque residencial, e todo apunta a que nos próximos anos seguirá crecendo ata chegar aos niveis doutros países europeos, estimando os niveis de réxime de alugueiro entre o 35%-40%, producíndose unha consolidación deste réxime entre a poboación nova.

 

Fonte | Idealista