A oferta de vivendas en venda reduciuse un 6% durante o primeiro trimestre do ano, en comparación ao mesmo trimestre do ano pasado, segundo o último estudo publicado por Idealista. Este estudo está realizado a través dos datos recompilados e analizados por Idealista/data, a proptech de Idealista que proporciona información destinada a un público profesional para facilitar a toma de decisións estratéxicas. Utiliza todos os parámetros da base de datos de cada país, así como outras fontes para ofrecer servizos de valoración, investimento, captación e análise do mercado. 

Na maioría das capitais de provincia españolas reduciuse a oferta de vivenda, destacando Ávila e Santander (-26 %). Séguenlles Zamora (-24%), Cidade Real (-24%), Santa Cruz de Tenerife (-21%), Valencia (-21%) e León (-20%). Entre os grandes mercados, reduciuse tamén de forma significativa en Barcelona (-16 %), e en menor medida en Málaga e Madrid (-11 %) e Bilbao (-10 %). As cidades nas que menos se reduciu a oferta foron Sevilla (-3%), Alicante (-7%) e Palma (-9%). Tan só en sete capitais aumentou a oferta, concretamente: Cuenca (17%), Cáceres (10%), Badaxoz (10%), Xirona (6%), Huesca (5%), San Sebastián (5%) e Cádiz (2%).

A nivel provincial, a oferta de vivenda descendeu de forma interanual en 40 provincias, destacando Zamora, cun descenso do 18 %. Séguenlle Cantabria (-17%), Teruel (-16%), Salamanca e Ávila (-15% nas dúas provincias). Na Comunidade de Madrid o descenso foi do 9 %, mentres que en Barcelona tan só foi do 3 %. Os maiores incrementos provinciais de oferta sucederon en Cuenca (10 %), seguida por Guipúzcoa (6%), Alicante e Cáceres (4%).

Fonte.- Idealista