Green Building Council (Consello para a Edificación Sustentable), principal organización de edificación sustentable en España, certificou como «Verde» un edificio de Santiago Sur Galicia no barrio de Santa Marta, o primeiro de Galicia que obtén a acreditación desta consultora internacional. Trátase do edificio M-13, que consta de 36 vivendas.

Esta acreditación «Verde» conleva a certificación enerxética «A», tanto en emisión como en consumo, así como o cumprimento duns esixentes niveis de sustentabilidade medioambiental en diferentes áreas. Unha delas refírese ao emprazamento da parcela onde se levantou o edificio e a dotación deste, con elementos como aparcabicicletas, preinstalación de recarga eléctrica, efecto isla de calor, grao de contaminación lumínica e proximidade á rede de transporte público, entre outros aspectos.

Outro bloque que evalúa Green Building Council para outorgar a acreditación «Verde» refírese á enerxía e a atmósfera, con puntos como a demanda de calefacción e refrixeración, ou as emisións de dióxido de carbono (CO2). 

Esta auditoría tamén puntúa aspectos sociais e económicos, como o acceso a espazos abertos privados, o dereito á intimidade ou o custo da construcción.

Fonte | La Voz de Galicia