O sector inmobiliario de luxo en Londres creceu un 10% en ventas, e un 25% no valor das propiedades durante 2023, segundo os datos de Beauchamp Estates. Durante este ano, as compras do sector centráronse en apartamentos de alta seguridade e con todas as comodidades, en zonas próximas a Hyde Park, Mayfair ou Regent's Park. Ao longo de 2023, o número de vivendas con prezos superiores a 17,6 millóns de euros na capital elevouse un 137%, ademais de contar con 19 vendas por un total de 450,5 millóns de euros, fronte ás 8 vivendas vendidas por un total de 211,77 millóns rexistradas en 2022.

O informe tamén amosa que a maioría dos novos compradores son americanos, saudíes, chineses ou dos Emiratos Árabes, e supuxeron preto do 60% dos acordos totais rexistrados. Preto do 70% do total de compravendas realizadas en 2023 produciuse en efectivo, unha subida fronte ao 60% rexistrado en 2022 e ao 45% de 2021. Os altos intereses parecen ser o principal motivo para que se produza esta situación, xa que axudan a limitar as peticións de hipoteca de maneira significativa. En canto á comparativa realizada entre os datos de xaneiro a decembro de 2023 e as mesmas datas de 2022, 2021 e 2020, esta amosa que o mercado de luxo dobrou o seu tamaño no último ano.

Fonte.- Idealista