Os representantes do Instituto Galego da Vivenda e Solo (IGVS) mantiveron unha reunión cos representantes do Colexio Oficial de Administradores de Fincas de Galicia e do Colexio Oficial de Axentes da Propiedade Inmobiliaria co obxectivo de analizar  a futura Lei estatal de vivenda e os seus posibles efectos sobre o sector do alugueiro.

Neste sentido, os representantes creen que o novo marco regulador causará o retraemento da oferta de vivenda para alugueiro e creará inseguridade xurídica entre os propietarios.

Así mesmo, os representantes aproveitaron a xuntanza para reafirmar o seu compromiso de colaboración co fin de mobilizar vivendas baleiras para o mercado de alugueiro, un dos obxectivos incluídos no Pacto social pola vivenda 2021-2025.

Fonte | Xunta de Galicia