A Xunta de Galicia adiantará o pago de 3 millóns de euros para rematar as obras da primeira fase do parque Ofimático da Coruña, grazas a sinatura do protocolo de colaboración entre o concello e a empresa pública Xestur, propietaria en nome da Xunta do 50 por cento do ámbito.

Segundo o establecido no protocolo, o Goberno galego facilitará a execución das obras necesarias adiantando o pago correspondentes ás cotas 5ª e 6ª, por importe de 3 millóns, nun prazo máximo de 45 días dende a sinatura do acordo.

Este protocolo é continuación do asinado en 2016 e polo que a Xunta adiantou o pago de 4,2 millóns de euros para facilitar que o concello puidese rematar as obras que actualmente xa están executadas, o que proba a aposta decidida da Xunta pola promoción de solo residencial na Coruña, destacando que a metade do mesmo, de titularidade autonómica, se destina a vivenda protexida e vivenda de promoción pública.

Fonte | IGVS