Un total de 17 concellos presentaron as súas solicitudes para optar ao reparto de fondos destinados ás áreas de rehabilitación integral (ARI) en virtude da resolución publicada no DOG o pasado 30 de xuño. Deste xeito, a Consellería de Medio Ambiente, Territorio e Vivenda destinará 2.665.741,81 euros ás actuacións de rehabilitación de vivendas e edificios de vivendas, urbanización e reurbanización nas 29 ARI para as que pediron financiación. 

O importe das subvencións estatais non poderán exceder do 40% do custo subvencionable da actuación. Os concellos recibirán por cada vivenda rehabilitada ou construida 2.500 euros (1.500 € da Xunta de Galicia e 1.000 € do Ministerio de Fomento) para financiar o custo de xestión e dos equipos e oficinas do planeamento, de información, de xestión e de acompañamento social. 

 

Fonte | Xunta de Galicia