O estudo recentemente realizado pola empresa de servizos inmobiliarios JLL, amosa que no contexto europeo, a dispoñibilidade de vivenda protexida en alugueiro varía considerablemente dun país a outro. De forma positiva, destacan as altas cifras dos países nórdicos, Dinamarca cun 20,9%, Suecia cun 19%, e Finlandia cun 13%. Por outro lado, Romanía e Portugal son actualmente os países europeos con menor stock de vivenda destinado a protección oficial ou vivenda alcanzable, cun 1,5% e un 2% respectivamente, seguidas por España, con apenas un 2,5%, e empatada con Bulgaria. No caso de España, historicamente optou por un modelo centrado na venda de vivendas protexidas, relegando o alugueiro a un segundo plano. Esta estratexia, combinada con leis do chan que facilitan a transición das vivendas ao mercado libre, facilitan a escaseza de vivendas alcanzables en alugueiro. 

No caso dos países de Europa occidental, os Países Baixos destacan cun 30% de stock de vivenda alcanzable, seguida por Austria, cun 24%, pero en contraste co 5,1% de Luxemburgo, o 6,5% de Bélxica e o 3,9% de Alemaña. En Europa Central e do Este, destaca a República Checa cun 9,4%, mentres que Eslovenia (6%), Eslovaquia, Hungría (3% ambas) están por debaixo. Estes datos subliñan a diversidade de enfoques e políticas en toda Europa con respecto á vivenda protexida, destacando a necesidade de accións coordinadas para abordar as crecentes demandas de acceso alcanzable á vivenda en toda a rexión.

Fonte.- Idealista