A crise do covid-19 está tendo un efecto dispar no mercado do alugueiro europeo, xa que mentres nalgunhas cidades de países como España, Italia ou Alemaña as rendas caíron con forza no segundo trimestre, no norte do Vello Continente os prezos mantivéronse estables e en Viena incluso subiron. Esta é a conclusión á que chega unha plataforma especializada en arrendamentos para estudantes HousingAnywhere, que analizou nun estudo o comportamento dos alugueiros nas principais cidades europeas entre abril e xuño, en pleno confinamento.

No lado das caídas, por exemplo, destacan sobre todo os casos de Milán e Turín, onde as rendas dos pisos dunha habitación baixaron 7,8% respecto ao primeiro trimestre, ata quedarse nun prezo medio de 1.096 euros ao mes no caso de Milán e en 812 euros no de Turín. O segundo descenso máis pronunciado foi o de Florencia, cunha do 6,9% intertrimestral, ata 918 euros. E o podio o pecha Berlín, cunha caída cercana ao 5% na renda dos apartamentos dun dormitorio, que ronda os 1.086 euros mensuais a peche de xuño.

Na lista das maiores caídas intertrimestrais das rendas dos pisos para estudantes tamén figuran dúas cidades españolas: Madrid, onde o prezo dun piso dunha habitación reduciuse un 2,4% respecto ao arranque de ano, ata situarse de media en 878 euros mensuais, e Valencia, onde se rexistra unha baixada dun 2,3%, ata quedarse en torno a 1.123 euros ao mes.

O estudo, que analiza un total de 17 cidades, amosa que os prezos reducíronse en 14 delas, mentres que en dúas cidades as rendas dos pisos mantivéronse estables: Reikiavik e Helsinki. O caso máis paradigmático é o de Viena, que é a única urbe da lista onde o prezo medio incrementouse. En concreto, a subida foi do 3,5% intertrimestral, ata situarse en 1.052 euros mensuais de media. Ademais, a capital austríaca tamén é a que máis se encarece en términos interanuais, cun repunte do 9,4%.

 

Fonte | Idealista