O Banco de España analizou recentemente o peso dos pisos turísticos nas 25 áreas urbanas con maior densidade de vivendas de alugueiro vacacional nos seus respectivos mercados de arrendamento. Esta análise foi presentado polo supervisor financeiro durante un encontro económico en Estremadura. A principal conclusión á que chega este estudo é que as cidades de Elxe e Marbella son as localidades con maior presencia do alugueiro turístico. 

Elxe conta co maior peso das vivendas vacacionais na súa periferia, representando preto do 70% do total de vivendas en alugueiro, mentres que Marbella destaca por rexistrar a maior densidade de pisos turísticos sobre as vivendas de alugueiro no seu centro urbano, con máis do 60%. Esta última, ademáis, é a segunda con maior proporción de inmobles vacacionais na súa periferia, superando o 50%, unicamente por debaixo de Elxe. Nos demais municipios analizados, en ningún supérase o 30% do mercado, reducíndose ata o 5% nas grandes cidades como Madrid ou Barcelona. Adicionalmente, outra conclusión do estudo é que a maioría das localidades rexistran unha maior densidade na zona periférica que no centro, coa única excepción de Marbella. 

No seu informe anual de 2023, publicado hai unhas semanas, o Banco de España alertaba xa de que o aumento do alugueiro vacacional nos últimos anos estaba reducindo o stock de vivendas dispoñibles para arrendar a longo prazo. Engaden tamén que os pisos turísticos supoñen preto do 10% do mercado do alugueiro. Adicionalmente, aqueles barrios nos que se concentra unha maior presenza de alugueiro turístico efectivamente experimentan maiores incrementos relativos nos prezos de compra e alugueiro de vivenda. En relación a esta última afirmación, segundo un estudo de CaixaBank Research, baseándose en datos do Ministerio de Vivenda e nas súas cifras internas de gasto con tarxeta, o servizo de estudos considera turísticos un total de 64 municipios de toda España, e sitúa o prezo medio da vivenda nestas cidades en 2.943 euros/m2, superando case nun 75% a media do resto do país. Esta brecha rexistrada en 2023 é a máis alta da serie histórica. 

Fonte.- Idealista