Segundo os datos que manexa Alquiler Seguro, os problemas de impago no alugueiro de vivendas creceron en 2023. Concremente, os inquilinos deixaron a deber un 7.608,34 euros de media aos seus arrendadores. Isto significa un aumento do 0,85% con respecto ao ano anterior. 

Aínda que a compañía afirma que a incidencia na morosidade distrubúese de forma heteroxénea en toda España, existen algúns territorios con maior promedio que a media nacional, e son: Cataluña (10.425 euros), Madrid (9.550 euros), Baleares (9.663 euros) e País Vasco (7.939 euros). Doutra banda, as comunidades con menor porcentaxe de vivendas sobre o total do parque inmobiliario son Extremadura (3.306 euros), A Rioxa (3.801 euros) e Castela e León (4.069 euros). En xeral, a morosidade mantense á alza, xa que os impagos creceron en promedio en torno ao 1% no territorio nacional. 

Esta alza está xeneralizada na maioría dos territorios, aínda que de forma dispar. Murcia é a comunidade autónoma que máis sufriu os efectos desta situación, cun aumento na morosidade do 3,83%. Tras esta rexión, destacan a Comunidade Valenciana, cun incremento do 3,03% e Galicia cun 2,77%. Por outro lado atopámonos con algúns territorios que sufriron caídas neste indice, e son Ceuta (-0,43%), A Rioxa (-0,51%) e Madrid (-0,64). No caso da capital, os altos índices de morosidade dos que partía fixeron posible que, ante un descenso no número de vivendas alugadas, rexistrasen un descenso na falta de pagamento en termos absolutos. Non obstante, segue sendo un dos territorios onde se rexistran maiores débedas.

Fonte.- El Economista