Segundo un estudo do portal inmobiliario Fotocasa, baseado nos datos dos salarios medios das ofertas de emprego de Infojobs, os galegos dedicaron en promedio un 33% do seu salario bruto ao pago de alugueiro, un aumento con respecto a 2022, no que dedicaron un 32%. Para realizar estes cálculos, considérase o valor dunha vivenda de 80 metros cadrados. Desta forma, o salario bruto medio de Galicia ao mes corresponde a 2.089 €, o que corresponde á porcentaxe máis elevada nos últimos cinco anos. 

A nivel estatal, os españois dedicaron unha media do 43% do seu salario ao pago do alugueiro en 2023, fronte ao 41% do ano inmediatamente anterior, sempre en relación a unha vivenda de 80 metros cadrados, que é o que considera o estudo. Esta cifra supera o recomendado polos organismos de control europeo, que establece que non é recomendable superar o 30% dos ingresos ao pago da vivenda. A directora de comunicación e estudos de Infojobs destacou o repunte da inflación nos últimos dous exercicios, sobre todo, afectando ao poder adquisitivo, que marca as condicións de vida das persoas traballadoras. Por rexións, ata en 13 comunidades incrementouse o gasto destinado ao alugueiro, mentres que tan só en dúas descendeu. 

O ranking de comunidades autónomas nas que máis parte do salario se destina ao gasto mensual da vivenda queda da seguinte forma: Baleares (63%), Madrid (62%), Cataluña (58%), País Vasco (54%), Canarias (51%), Comunidade Valenciana (44%), Cantabria (42%), Navarra (40%), Andalucía (36%), Aragón (35%), Castela e León (34%), Galicia (33%), Asturias (32%), A Rioxa (30%), Murcia (30%), Castela-A Mancha (25%) e Estremadura (23%). 

En canto ás provincias en concreto, destacan Barcelona (65%), Baleares (63%), Madrid (62%), Guipúscoa (60%) e As Palmas de Gran Canaria (53%), mentres que as provincias que menos parte do salario destinan son Cidade Real (19%), Xaén (21%), Cáceres (21%), Ourense (23%), Albacete (23%) e Badaxoz (23%). 

Fonte.- El Español