O número de vivendas baleiras en España alcanza a cifra de 3,8 millóns de inmobles, o que representa o 14,4% do parque de vivendas nacional. A metade destas atópanse en 14 provincias, mentres que as outras están en zonas "altamente dispersas". Son datos de Tinsa, a cal sinala como principais causas que provocan esta desocupación de casas o despoboamento do interior, a obsolescencia da oferta e os procesos xudiciais asociados a elas.

As principais provincias que presentan maior número de vivendas baleiras sobre o total das súas vivendas son provincias do interior e noroeste peninsular, onde destacan os casos de Ourense e Lugo, cun 43,7% e 37,3% do seu parque residencial, respectivamente. A continuación na clasificación atópanse sete provincias do interior con proporcións entre os 25% e 30% en Castila-A Mancha, Castela e León e Aragón. Polo outro lado atópanse as menores cotas, entre o 6% e o 10%, en Biscaia, Madrid, Áraba, Guipúscoa, Barcelona e Valladolid.

Os expertos explican este fenómeno da vivenda baleira nalgunhas localizacións onde se rexistrou un aumento da poboación, das vivendas de obra nova e do prezo das vivendas a pesar de que a cota de vivendas baleiras é alta, o que din que se debe á "obsolescencia das vivendas construídas durante o boom", que perderon atractivo fronte ás obras novas.

No caso das capitais, a vivenda baleira reduciuse un 32%, mentres que no ámbito nacional o aumento foi do 24% nos últimos 20 anos.

Fonte.- El Economista