Galicia non é allea ao fenómeno okupa, que no conxunto de España disparouse case un 50% nos últimos catro anos e que durante 2019 superáronse os 14.000 pisos ou casas asaltadas no conxunto do país, segundo os  datos do Ministerio do Interior. Nos meses de verán, as interrupcións en vivendas da comunidade aumentaron a pesar da presión dos partidos políticos e do sector inmobiliario por unha reforma lexislativa que dé seguridade xurídica aos propietarios e despexe dúbidas ante os casos que se plantexen. Fronte ás 400 vivendas okupadas que había en Galicia ata o pasado mes de xuño, na actualidade a cifra aproxímase ás 500, máis dun 20% en só tres meses, segundo estimacións da patronal inmobiliaria galega, o que supón unha media de dúas ocupacións ilegais cada día.

Co obxectivo de acabar coa crecente alarma causada pola ocupación de inmobles en toda España, a fiscal xeral do Estado anunciou medidas a corto plazo: protocolos e instruccións para abordar o tema das ocupacións ilegais por parte dos fiscais. Así, unha vez a Fiscalía Xeral emita a instrucción sobre o fenómeno okupa, operarase en aras da unidade de actuación desde a Fiscalía Superior de Galicia.

Na actualidade, a Policía pode desaloxar sen orde xudicial unha vivenda ocupada, sempre que o faga nas primeiras 48 horas. A partir deses dous días, necesítase unha orde xudicial e entón, todo entra nun complicado proceso que pode tardar anos. De aí que os okupas traten de probar que levan alí máis de dous días.

Desde a Federación Galega de Empresas Inmobiliarias (Fegein), reclaman unha reforma da lei que permita recuperar un inmoble ocupado en menos de 48 horas e non en 30 días, como contempla a lei actual.

Fonte | La Opinión Coruña