No primeiro trimestre de 2023 rexístranse un total de 6.579 desafiuzamentos, segundo os datos do Consello Xeral do Poder Xudicial (CGPJ). Agora, coa nova lei da vivenda aumentouse progresivamente o límite do prezo do alugueiro e rebaixáronse os requisitos para que os distintos gobernos rexionais e locais declaren unha zona como tensionada.

O problema atópase no tema dos desafiuzamentos, onde a nova lei limitouse a dicir que "se aplicará un sistema de arbitraxe que propicie o tempo necesario para que os servizos sociais poidan ofrecer solucións habitacionais e habilítase ao xuíz para establecer prazos superiores". Ademais, suma que haberá "novas prórrogas nos procedementos de lanzamento, que aprazarán os procesos máis de dous anos", os cales serán de acceso obrigatorio para as persoas vulnerables. Desta forma danse moratorias, amplíase o proceso de desafiuzamento ou se suspende o proceso temporalmente no caso de conseguir un informe de vulnerabilidade, pero non se soluciona o problema.

Doutra banda atópanse os desafiuzamentos invisibles que suceden cando un caseiro non renova o contrato, sobe moito o alugueiro ou ameazan aos seus inquilinos, quen acaba abandonando a vivenda. É un tipo de desafiuzamento que non se rexistra xudicialmente, pero socialmente si.

Fonte.- el Diario