O goberno, a través do Ministerio de Vivenda e Axenda Urbana acordou este xoves dotar ás comunidades autónomas con 430 millóns de euros para a rehabilitación de vivendas e espazos urbanos e para a construción de vivenda accesible. 

Segundo explicou a titular do departamento, Isabel Rodríguez, con motivo da celebración da primeira conferencia sectorial de vivenda, estes fondos proveñen do plan de recuperación e complétanse con outros 3.500 millóns que xa están a disposición das comunidades autónomas. Desta forma, o plan de recuperación aporta preto de 4.000 millóns que foron transferidos, aos que se suman outras accións como o plan de rehabilitación de edificios negociado cos concellos, por importe de 600 millóns. Estas contías súmanse á súa vez aos máis de 3.500 millóns dos presupostos. 

A ministra Isabel Rodriguez insistiu en que tanto o goberno como as comunidades autónomas, que son as que teñen delegadas as competencias na materia, deben traballar na mesma dirección e que é necesario un acordo de país no que estean todas as administracións posto que o problema da vivenda afecta todos e a súa solución incumbe, por tanto, a todos.

Con respecto á regulación da problemática relacionada co aumento dos pisos turísticos, que quedou fóra da Lei de Vivenda, o Goberno está por ver qué marxe de regulación ten e debe poñerse na balanza tanto o interese económico como o social e o acceso á vivenda a fin de que non se xere un problema de inaccesibilidade á vivenda. A ministra comenta que en febreiro terán o indicador de prezos de referencia co que se busca limitar os alugueres en zonas tensionadas (máis do 40 % da renda emprégase en pagar a mensualidade) e que a lei é de obrigado cumprimento para tódalas comunidades, que deberían atender as peticións que lles fan algúns concellos para que a apliquen.

Fonte.- Cope