O mes de abril pechou cunha subida mensual do prezo do alugueiro en España do 2%, alcanzando os 13 €/m2, o que supón o maior prezo da serie histórica de informes de prezos publicados por Idealista. No último trimestre o aumento foi do 4,9%, mentres que de forma interanual a subida é do 13%. 

As rendas do alugueiro aumentaron en 15 comunidades autónomas, coas únicas excepcións de Estremadura (-1,2%) e A Rioxa (-0,2%). Os maiores incrementos déronse en Baleares (6,3%), seguida de Cantabria (6,2%), Canarias (2,6%), Comunidade Valenciana (2,5%), Andalucía e a Rexión de Murcia (2,1% en ambos casos). Por debaixo do 2% atópanse os incrementos de Cataluña (1,9%), Castela e León (1,8%), Comunidade de Madrid (1,8%), Galicia (1,7%), Euskadi (1,6%), Navarra (1,3%), Asturias (1,1%), Aragón (0,7%) e Castela-A Mancha (0,5%). Baleares (17,8 euros/m2) e a Comunidade de Madrid (17,4 euros/m2) son as rexións co prezo máis alto. Séguenlles Cataluña (16,8 euros/m2), Euskadi (13,6 euros/m2) e Canarias (13,6 euros/m2). No lado oposto atópase Estremadura (6,5 euros/m2) e Castela-A Mancha (7 euros/m2) que son as comunidades máis económicas.

A nivel provincial, o prezo do alugueiro aumentou en 45 provincias, dándose as maiores subidas en Baleares (6,3%), Cantabria (6,2%), Ávila (5,4%), Huelva (4,7%) y Soria (3,9%), mentres que as únicas provincias que experimentaron descensos foron Badaxoz (-2,1%), Palencia (-0,7%), Ourense (-0,5%), Guadalaxara e A Rioja (-0,2%). A provincia de Barcelona mantense como a máis cara (18,2 euros/m2), superando a Baleares (17,8 euros/m2), Madrid (17,4 euros/m2), Guipúscoa (15,8 euros/m2) e Málaga (14,6 euros/m2). Xaén (5,8 euros/m2) xunto a Zamora e Cidade Real (6,1 euros/m2 en ambos casos), polo contrario, son as provincias máis económicas.

En 41 capitais de provincia aumentou o prezo do alugueiro durante o último mes. O incremento máis pronunciado deuse en Soria (6,3%), seguida por Huesca (3,9%), Xaén (3,3%), Vitoria (3%) e Valencia (2,8%). Doutra banda, as capitais onde máis descendeu o prezo foron Badaxoz (-1,6%), Ourense (-1,2%), Santa Cruz de Tenerife (-0,9%), Pontevedra e Toledo (-0,5% en ambos casos). En canto ás principais cidades do país, a tendencia foi totalmente alcista. Ademáis do aumento do 2,8% en Valencia, déronse aumentos en Málaga (2,3%), Barcelona (1,8%), Madrid (1,4%), Palma (1,2%), Alicante (0,9%), Sevilla (0,9%), Bilbao e San Sebastián (0,6% en ambas capitais). Barcelona continúa sendo a capital cos alugueiros máis caros, cun prezo medio de 21,1 €/m2, seguida por Madrid (19,2 euros/m2), San Sebastián (17,2 euros/m2), Palma (15,8 euros/m2), Málaga (14,2 euros/m2) e Bilbao (13,9 euros/m2). Polo contrario, Cidade Real (6,6 euros/m2), Zamora (6,7 euros/m2) e Ourense (7 euros/m2) son as capitais coa renda más económica.

Fonte.- Idealista