O confinamento e o aumento do teletraballo en España provocaron cambios nos intereses da demanda de vivenda, xerando un interese cada vez maior polas vivendas en pobos de menos de 5.000 habitantes. No mes de xaneiro, o 10,1% das procuras de vivenda en venta que se realizaban no portal Idealista eran sobre municipios de menos de 5.000 habitantes, mentres que en xuño, esa porcentaxe aumentou ata o 13,2% do total.

Por Comunidades, só Baleares rexistra unha redución do interese polas poboacións máis pequenas (pasa do 11,4% de xaneiro ao 11,1% de xuño) e en todas as demáis o apetito da demanda por este tipo de municipios creceu. Castilla y León é onde ese interese creceu máis no primeiro semestre, pasando do 23,7% das procuras en xaneiro ao 33,7% en xuño, seguida de Navarra (do 18,1% ao 26,6%), Castilla-La Mancha (do 35,5% ao 43,4%) e La Rioja (do 20% ao 26%).

Polo contrario, Canarias é a comunidade na que este tipo de municipios xera menor interese (3,2%), seguida por Madrid (6,2%), Andalucía (9,9%) e Asturias (10,3%).

En canto ás provincias, ademais de en Baleares, o interese polos pobos pequenos reduciuse en Girona, Sevilla e Tarragona, mentres que en todas as demáis creceu. O maior incremento deuse en Ávila (do 52,1% ao 63,5%), Burgos (do 22,9% ao 33,8%), Cuenca (do 42,3% ao 53,1%) e Álava (do 13,2% ao 23,5%).

Fonte | Idealista