Segundo o último informe "Variación acumulativa da vivenda en España en 2024" realizado a partir dos prezos da vivenda en venda do mes de febreiro dos últimos 15 anos do Índice Inmobiliario Fotocasa, na última década os prezos aumentaron un 29,5%, nos últimos 5 anos, un 18%, e no último ano fíxoo un 5%. En comparación ao ano base da análise, 2009, produciuse, sen embargo, un descenso do 11%.

O prezo da vivenda por metro cadrado en febreiro de 2014 situábase en 1.726 €/m2, mentres que 10 anos despois está en 2.234 €/m2, un aumento de preto do 30%. O promedio de prezo da vivenda aumentou de 138.000 € a 178.700 € nesta última década. Segundo a directora de Estaudos e Portavoz de Fotocasa, a compra de vivenda custa 40.000 euros máis en promedio hoxe que en 2014. Afirma tamén que é habitual que co paso do tempo os bens e servizos aumenten de prezo, pero a vivenda faino a un ritmo superior. 

No relativo ás comunidades autónomas, Baleares, Canarias e Madrid son as que viron o prezo acumulativo da vivenda aumentar en maior contía, concretamente, un 109%, un 78%, e un 68% respectivamente. Doutra banda, son tres as comunidades nas que descendeu o prezo acumulativo: Asturias (-5 %), Castela e León (- 2%) e Extremadura (-1%). As dúas capitais de provincia con maior incremento son Palma de Mallorca (123%) e Málaga (107%), seguidas por Madrid (82%), Valencia (66%) e As Palmas de Gran Canaria (55%). Pola súa banda, as capitais de provincia nas que baixou o prezo son Zamora, que cae un -17%, seguida de Palencia (-11%), Xaén (-11%), Cidade Real (-6%), Cáceres (-3%), Lugo (-2%), Ourense (-2%) e Salamanca (-1%).

Fonte.- El Periódico de España