Acorde aos datos difundidos polo INE, o prezo da vivenda acelerou o seu incremento no primeiro trimestre de 2024, ata o 6,3% interanual, o que corresponde ao maior incremento dende o terceiro trimestre de 2022. Segundo o tipo de vivenda, o prezo da vivenda nova alcanzou o 10,1%, mentres que o de segunda man situouse no 5,7%. 

O prezo da vivenda moderou o seu crecemento en 2023 ao 4%, pero neste primeiro trimestre volve a incrementar a súa taxa de crecemento. O exercicio pasado viuse marcado polas sucesivas subidas dos tipos de interese, que reduciron as compravendas e a concesión de hipotecas pero non así os prezos, que seguiron crecendo aínda que en menor medida. En liñas xerais, o prezo da vivenda leva subindo de forma ininterrompida desde o segundo trimestre de 2014. Unha senda alcista que se retomou tras seis anos á baixa, e comezou no segundo trimestre de 2008 co estalido da burbulla inmobiliaria.

A vivenda nova aumentou en maior medida, alcanzando o 10,1%, cun incremento de 2,6 puntos, o punto máis alto dende o terceiro trimestre de 2023. Pola súa banda, o prezo da vivenda de segunda man aumentou un 5,7%, máis de dous puntos superior á rexistrada no trimestre anterior. Trátase ademáis do maior incremento que experimenta dende o terceiro trimestre de 2022. 

Os prezos da vivenda presentaron no primeiro trimestre do ano taxas anuais positivas en todas as comunidades autónomas. As maiores subidas de prezos producíronse en Andalucía (7,9 %), Navarra (7,6 %); A Rioxa (7,1 %) e Aragón (7 %). Por encima da media tamén destacaron as subidas de Ceuta (6,9 %); Cantabria (6,8 %); Comunidade Valenciana (6,5 %) e País Vasco (6,4 %). Entre os grandes mercados, a vivenda encareceuse un 5,9 % na Comunidad de Madrid e un 5,6 % en Cataluña.

Fonte.- El Mundo