En marzo, o prezo dos alugueiros creceu un 9,2% en Reino Unido con respecto ao mesmo mes do ano pasado, o que se trata da subida máis pronunciada dende que a Oficina Nacional de Estatística comezou a rexistrar estes datos en 2015. Con respecto ao mes anterior, o crecemento sitúase no 9%. A pesar disto, os prezos da vivenda caeron nun 0,2% interanual en febreiro, reflectindo certa mellora con respecto a xaneiro, onde o descenso foi do 1,3 %. 

A media mensual en Gran Bretaña sitúase en 1.389 euros, unhas 1.200 libras. A cidade de Londres presenta os alugueiros máis caros, cunha media de 2.316 euros ao mes (2.000 libras), coa subida máis rápida cun 11,2% ao ano. Os altos intereses hipotecarios complican a compra de vivenda para moita xente, o que incrementa a demanda de alugueiro e fomenta o crecemento dos seus prezos. Ademáis, provoca que moitos propietarios decidan elevar os custos dos alugueiros para cubrir os gastos adicionais relacionados co aumento do financiamento.

Estes intereses aumentaron considerablemente a partir da decisión do Banco de Inglaterra de incrementar os tipos de interese para loitar contra a inflación. Aínda que se prevé que descendan proximamente, as expectativas parecen limitarse, cunha inflación que baixa máis lentamente do esperado, marcando un 3,2 % en marzo. Este impacto das expectativas amósase tamén na lenta recuperación dos prezos da venda de vivenda, que se atopan 4.000 libras por debaixo do máximo alcanzado en novembro de 2022. 

Fonte.- Idealista