No conxunto de 2023, segundo as taxacións do Ministerio de Vivenda, o metro cadrado alcanzou os 2.012 euros, algo que non sucedía dende 2010. O prezo do metro cadrado dos pisos con antigüidade superior aos 5 anos quedou en 2.007 euros, tamén a cifra máis alta dende fai trece anos, mentres que as vivendas máis novas alcanzou as 2.438 euros. Esta última cifra corresponde á máis alta dende que o Ministerio empezou a dar datos, en 2010, onde se situou en 2.139 euros. As inmobiliarias da cidade de A Coruña coinciden en que a subida está por encima das posibilidades do cidadán común, e esperan que se free.

O Ministerio de Vivenda ofrece datos de taxacións desde 2005, aínda que ata 2010 non empezou a dar por separado as cifras de vivendas de máis e menos de cinco anos de antigüidade. A serie amosa que os prezos actuais seguen por baixo dos do pico da burbulla: o metro cadrado, que en 2005 estaba algo por baixo dos 1.800 euros, chegou a un máximo de 2.275 en 2008, antes de entrar nunha tendencia de descenso. En 2014 chegouse a 1.534, a cifra máis baixa. Un piso de 75 metros custaría uns 115.000 euros por aquel entón: agora superaría os 150.000. 

A pesar de que os prezos están preto dos niveis anteriores á crise inmobiliaria, Mirko Sanhueza, experto no sector, explica que non se está dando a “acción coa que empezou a burbulla”: compradores que adquirían un piso sobre plano e logo o revendían aproveitándose do aumento xeneralizado de prezos, mesmo antes de que estivese terminado. Isto “xa non existe”, indica, e as promotoras introducen cláusulas para evitalo.

Fonte.- La Opinión de A Coruña