Tras un crecemento sostido durante o 2023, os prezos da vivenda nova volverían a subir en 2024, pero a un ritmo máis lento, segundo as expectativas para o mercado residencial do último estudo da Sociedade de Tasación onde analiza as tendencias e retos para este ano. En concreto, crecerían un 4,1%, para chegar ata os 2.925 €/m2. A previsión de cara a 2024 vai estar marcada pola desaceleración económica, a evolución do emprego e a inflación, e polo tanto, das decisións do Banco Central Europeo sobre os tipos de interese. 

Polo tanto, a evolución da economía durante o ano condicionará o mercado hipotecario. O euribor encadeou dous meses consecutivos de baixadas; o que pode apuntar a unha relaxación da política monetaria do BCE, previsiblemente a partir do segundo semestre de 2024. Outro punto que analiza o estudo é a gran resiliencia a nivel de actividade que continua mostrando o mercado inmobiliario, a pesar de que as operacións de compravenda de vivenda encadean 10 meses de descensos interanuais, xa que o mercado laboral pechou 2023 cunha evolución á alza en canto á afiliación á Seguridade Social, e o poder adquisitivo dos fogares recuperouse lixeiramente.

As previsións da Sociedade de Tasación, a partir dos datos do INE de Rexistradores, predín unha caída das operacións que roldará o 10% interanual en 2023, pero que deixará uns resultados superiores ás 550.000 transaccións, mantendo cifras aproximadamente iguais dende a pandemia. O informe de Sociedade de Tasación tamén destaca a heteroxeneidade no mercado inmobiliario, con claras diferenzas por comunidades autónomas e por tipo de vivenda, nova ou usada.

O último punto de análise do informe é a escaseza de vivenda nova, e como os actuais niveis de construción amósanse insuficientes, xerando un desequilibrio entre a oferta e a demanda continuista dende a crise de 2008, o que provocaría que os prezos aumentasen por esa falta de oferta. 

Fonte.- Idealista