Segundo os datos recollidos polo portal inmobiliario Idealista, a oferta de vivenda en venda non para de baixar, en concreto, no último trimestre de 2023 reduciuse nun 8% en términos interanuais. No segundo trimestre de 2023 o decrecemento foi do 4%, polo tanto duplicouse dun trimestre ao seguinte. Deste modo, a oferta encadea catro anos consecutivos de descensos. O primeiro trimestre de 2020 (-1%) e o segundo trimestre de 2021 (-3%) foron os períodos con menor decrecemento neste tempo, mentres que o segundo trimestre de 2020, coincidindo coa pandemia do coronavirus, o descenso foi maior, un 12%. 

Para Idealista, a falta de vivendas ten un factor crave, a escaseza de produto de obra nova, e como consecuencia, existe unha maior presión sobre os prezos. Durante o novembro pasado, as operacións de venda baixaron un 15,1% con respecto ao mesmo mes do ano anterior, acumulando dez meses de descensos consecutivos, segundo os datos publicados polo Instituto Nacional de Estatística. 

Nas previsións do Banco de España no pasado mes de xuño, considerábase improbable un descenso no prezo da vivenda a corto prazo, principalmente debido á favorable situación patrimonial dos distintos axentes deste mercado, os altos custos dos materiais de construción e a escaseza de obra nova. Segundo os cálculos da Sociedade de Tasación, a proxección de creación de fogares para os próximos anos é de 200.000 anuais, o dobre das vivendas que os promotores son capaces de producir neste momento.

Fonte.- La Razón