Segundo Idealista, o índice de Gini, utilizado para medir a dispersión dos entornos económicos, baixou interanualmente en 0,5 puntos en venda e 1,6 en alugueiro, mentres que con respecto a 2021 baixou en 1,5 puntos en venda e 5 en alugueiro. O índice de Gini mide as diferenzas en ingresos, e é un número entre 0 e 100, onde 0 corresponde coa perfecta homoxeneidade, e 100 coa perfecta heteroxeneidade. Acorde aos datos de Idealista, isto significa que o prezo do parque inmobiliario en España volveuse progresivamente máis homoxéneo. 

Palma é a capital de provincia cuxo prezo da vivenda en venda é máis homoxéneo (69,1 puntos), seguida de Murcia (69,5 puntos), Santander (71,5 puntos), Alicante (71,6 puntos) e Madrid (71,7 puntos). Por outro lado, sitúase Melilla (85,9 puntos) como o mercado cos prezos de venda máis dispersos, seguida de Guadalaxara (85,2 puntos), Vitoria (84,9 puntos), Ceuta (84,3 puntos) e Cádiz (84,1 puntos). Con respecto ao ano 2021, Santander é a capital cuxo índice Gini descendeu máis (- 2,6 puntos), o que supón un descenso na dispersión de prezos das vivendas no mercado. Séguelle Murcia (- 1,6 puntos), Barcelona e Toledo (- 1,5 puntos en ambos os casos). Castellón da Plana, pola contra, é a capital cuxo índice Gini subiu máis (21 puntos) nos dous últimos anos.

En canto ao alugueiro, Xirona é a capital de provincia española cuxo mercado de alugueiro é máis homoxéneo (73,5 puntos) seguida de Barcelona (78,1 puntos), Palma (79,2 puntos), Alicante (79,3 puntos) e As Palmas de Gran Canaria (79,6 puntos). No lado contrario, as capitais cuxo mercado de alugueiro é máis heteroxéneo son Logroño (87,6 puntos), Albacete (87,5 puntos), Melilla e Pontevedra (87,4 puntos). Doutra banda, a cidade de Xirona tamén é a capital na que máis baixou o índice Gini cunha caída de 13,3 puntos nos dous últimos anos. Séguenlle Ceuta (- 6,1 puntos), Pamplona (- 5,4 puntos), Barcelona (- 4,3 puntos) e Palma (- 3,7 puntos). Cuenca (3,6 puntos) é na que máis creceu a heteroxeneidade, seguida de Castellón da Plana e Soria (3 puntos en ambos os casos).

Fonte.- Idealista