Segundo o estudo "Global Real Estate Bubble Index 2020", publicado polo banco suizo UBS, estamos ante un escenario insustentable, xa que o prezo da vivenda nas 25 maiores cidades do mundo subiu nos últimos catro trimestres, a pesar da pandemia sanitaria e de que a economía está no seu peor momento nun siglo.

Así, segundo recolle dito estudo, as urbes con máis risco de burbulla no prezo da vivenda son Múnich, Fráncfort, Toronto, Hong Kong, París, Ámsterdam e Zúrich.

Nun segundo escalón, e dentro da categoría de vivenda sobrevalorada, atópanse Vancouver, Londres, Tokio, Os Ánxeles, Estocolmo, Xenebra, San Fransciso, Tel Aviv, Sídney, Moscú e Nova York. Madrid, o único nome español que aparece na lista, está entre as que teñen un valor razonable, xunto con Boston, Singapur, Varsovia, Milán e Dubái, mentres que Chicago pecha a lista e é a única metrópole onde a vivenda está infravalorada. 

A entidade financieira sostén que as taxas de crecemento dos prezos da vivenda axustadas á inflación nas cidades analizadas aceleráronse de media nos últimos catro trimestres e incluso en moitas metrópoles os inmobles residenciais encarecéronse máis dun 5%.

Na lista das 25 cidades analizadas só hai catro que rexistran caídas de prezos: Hong Kong, Dubái, San Francisco e Madrid. 

UBS sostén que o principal motivo polo que o mercado residencial non se vira afectado en prezo en moitas grandes urbes está nas medidas de axuda que puxeron en marcha os Gobernos, como as moratorias hipotecarias, a suspensión dos desafiuzamentos ou as baixadas de impostos, así como as condicións de financiación, que seguen sendo favorables para os fogares e as empresas.

Fonte | Idealista