Este venres 15 de marzo publicase no Boletín Oficial do Estado (BOE) o índice de prezos de referencia para os alugueiros, a medida máis importante da Lei de Vivenda para conter o crecemento das rendas dos alugueiros. Polo momento, tan só Cataluña solicitou a aplicación do índice en 140 zonas tensionadas do seu territorio, nas cales reside o 80,6% da poboación da comunidade autónoma. 

No caso dos grandes tedores de vivenda, o prezo de arrendamento en zonas que sexan declaradas tensionadas para novos contratos deberá guiarse, o ben polo contrato anterior, ou polo sistema de referencia en caso de renovacións. Este novo índice tamén aplicarase en caso de alugueiros de vivendas que non estivesen no mercado durante os últimos cinco anos. No resto dos casos, o índice servirá como referencia para coñecer o valor real dunha vivenda en alugueiro nesa zona. Non obstante, o prezo poderá incrementar se a vivenda foi mellorada, si inclúe rehabilitación enerxética ou se cumpre unhas condicións de durabilidade do contrato de arrendamentos superiores ao contemplado na Lei de Arrendamentos Urbanos. 

A limitación do alugueiro estenderase durante tres anos, xa que é o período no que estará vixente a declaración de área tensionada, unha vez publicada de maneira oficial. Con todo, esta declaración poderase prorrogar anualmente unha vez transcorresen os tres anos, pero a condición de que "subsistan as circunstancias que motivaron tal declaración e previa xustificación das medidas e accións públicas adoptadas para reverter ou mellorar a situación desde a anterior declaración", segundo explícase na Lei de Vivenda.

Fonte.- Cadena Ser